Fiskereglar Måna sesongen 2023

Vedtekne på årsmøtet 30.mars 2023

Fiskesesong: 15.juni – 15 august.

Freding / Stenging

Elva er stengd for fiske kvar måndag.
Nattestenging frå kl. 23.00til kl 06.00
Det kan berre fiskast etter laks. Auren er freda.

Kvoter:

For elva totalt kan det fangast 100 laks
Kvart bruk med fiskerett kan ta 1 laks. Retten kan leigast ut / gjevast bort til andre
Den resterande del av kvota (vel 20 fiskar) er i utgangspunktet reservert ungdom under 16 år i eit opplærings- prosjekt.
Ca 15.juli skal det skje «midtsesong-evaluering» av fiskeoppgang / fangst. Det kan resultere i justrering av fiskereglar og kvoter.

Utøving av fisket:

Kvart bruk kan berre fiske der bruket har fiskerett. Unntak er opplæringsfisket. Rettigheitshavarar som ikkje vil tillate opplæringsfiske på sin eigedom, må seie frå til styret.
Det kan fiskast med fluge, makk, wobler, sluk.
«Fang og slepp» er ikkje tillatt, med unntak av aure som ein utilsikta får før første (og einaste) laks. Når «bruket» har landa ein laks, er det slutt på alt fiske.
Oppdrettslaks og pukkellaks skal avlivast og tel ikkje med på kvoten, men det skal takast skjellprøve, og fisken skal visast til eit styremedlem før ein kan halde fram fisket.

Fiskekort

Det er lagt opp til bruk av digitalt fiskekort som er utstedt av Elveguiden. For å få tilgang til dette kan man innstallere Elveguiden app på mobiltelefon eller skrive det ut fra elveguiden sine sider på internett. (elveguiden.no)
For å få fiskekort må den lovpålagde forvaltningavgifta til laget (i år 300 kr pr. bruk) vere betalt. Disponerer ein fleire bruk, må det betalast avgift for kvart bruk som det blir fiska på.

Rapportering / skjellprøver

All fangst skal umiddelbart (seinast samme dag) rapporterast på Elveguiden sin app eller nettside, ev. til Marius Stokke Sæther tlf 48167245 eller e-post. (maanaelveeierlag@outlook.com)
Det skal takast skjellprøver og hoder av all fisk, også ev. antatt oppdrettslaks, pukkellasks og aure som er so skadd at han med stor sikkerheit ikkje vil overleve. Skjellprøvekonvoluttar vil bli lagde ut ved Skarbrua, Bruasetbrua og osen.
Skjellprøver skal leveres sammen med fiskehoder til: Bruasetvegen 323 ved Liv Anette Borge.
(Legg først skjellprøvekonvolutt i en brødpose, legg fiskehode i en annen brødpose og legg deretter denne i posen med skjellprøvekonvolutten.)

Desinfisering

Utstyr, inkl. støvlar, vadebukser etc., som nyleg har vore brukt i andre vassdarag, og som ikkje har vore skikkeleg tørka i 2-3 dagar, skal desinfiserast.
Desinfisering, utan kostnad, ved grillhytta på Sønstevoll (ved Wenaas-fabrikken).

Brot på reglane

Alle rettigheitshavarar som nyttar fiskeretten sin, godtek og er ansvarlege for at fiskereglane blir følgde, og at reglane er aksepterte ogso av dei som måtte leige/låne retten. Primært vil ein ev. straffereaksjon falle på den som utøver fisket .

Brot på reglane kan bli straffa med utestenging frå vassdraget i inntil 2 år og dessutan bot. Storleiken på bota blir avgjort av styret etter alvoret i saka. Bota kan ikkje overstige 5000kr