Oppdatert vedtak fra Søya Elveeier pr. 16. Juli 2024 med følgende vedtak:

Styret i Søya Elveeigarlag har i møte 16. juli gjort følgjande vedtak:

1. Fisket i nedre Søya, frå Haugafossen og ned til fjorden, blir opna klokka 00 natt til laurdag 20. juli. Opninga gjeld fram til og med torsdag 15. august. I denne perioden blir det løpande vurdert om det er forsvarleg å fortsette fisket.

2. Sone 2, øvre Søya, blir framleis stengt for fiske.

3. Innskjerping i fiskereglane: All hofisk av laks og sjøaure er freda, og skal settast ut igjen. All aure over 60 cm og all laks over 70 cm skal settast ut igjen. Ved fiske med wobbler kan den berre ha ein treblekrok.

4. Personkvote for avliva fisk: To laksar og ein sjøaure i løpet av sesongen. Kvote for utsetting av fisk (catch and release): To laksar og to sjøaurar i løpet av sesongen. Når kvotane er nådd, skal fisket avsluttast. Fisk som er tatt tidlegare i sesongen skal reknast med.

5. Begrensa sal av fiskekort: I opningsperioden fram til 15. august blir det berre selt døgnkort, og berre to kort kvart døgn. Tidlegare innkjøpte sesongkort gjeld enno.

6. Totalkvote: Når det er fiska 100 laksar eller 75 sjøaurar, blir sesongen avslutta. Talet gjeld summen av utsett og avliva fisk.

Fiskereglar for 2024 i Søya. Endringer fra 2023:

Sesongen 2023 gav dårleg fangst, trass i fine forhold det meste av sesongen. Oppgangen var truleg eit stykke unna gytebestandsmålet på 800 kilo holaks. Styret meiner derfor det er nødvendig å stramme noko inn på fiskereglane, i tråd med det som vart gjort etter midtsesongevalueringa i juli 2023.

Introduksjon

Vedtatt av årsmøtet i Søya Elveeigarlag 2024.

Elveeigarlaget pliktar å opplyse fiskarane om dei lokale fiskereglane. Fiskaren pliktar å sette seg inn dei gjeldande fiskereglane i vassdraget. Fiskeoppsyn kontrollerer på vegner av Søya Elveeigarlag at reglane blir følgt.

Alle som skal fiske i Søya må kjøpe Søyekortet og ha betalt fiskaravgift. Deretter kan fiskekort kjøpast på Elveguiden.no Det er ønskeleg at fiskaren tar skjelprøve av laks og sjøaure, og legg konvolutten i ein av postkassane ved Søyset bru eller Søya bru.

Det kan fiskast i Søya frå der kanalisert sone startar i øvre elv (skilta) og ned til grense elv/sjø. I 2024 er sesongen frå 1. juni til og med 31. august. Fisket kan bli avslutta tidlegare om taket for fangst blir nådd.

Utanfor fiskesesongen i elva er det forbode å fiske i sjøen nærmare enn 100 meter frå grensa elv/sjø (100-metersonen). I sesongen for elva kan ein fiske frå land med stong i 100-metersonen. Kvotereglane her er dei same som i elva. Det er ikkje lov å fiske med båt i 100-metersonen.

§1 Fisketid laks og sjøaure

Fisketid etter både laks og sjøaure i Søya er frå 01.06. til 31.08. 2024

§2 Fredingsområde og fiskefreding

Fredingssone

Det er forbode å fiske ovanfor der kanalisert sone startar i øvre del, sjå skilt.

størstemål på hofisk: all hofisk av sjøaure over 60 centimeter og all holaks over 70 centimeter skal settast ut igjen. Desse fiskane er svært viktige for bestanden.

Minstemål

All laks og sjøaure under 35 cm skal settast levande ut igjen.

Freding av hofisk i august

I august månad skal hofisk av laks og aure settast ut igjen, så sant fisken ikkje er skadd (sjå under punktet «Gjenutsetting»).

Vinterstøing

Vinterstøing (utgytt fisk) av laks og sjøaure skal settast forsiktig ut igjen.

§3 Midtsesongsevaluering

Det er grunnleggande for forvaltinga av Søya at gytebestandsmålet blir nådd. Søya Elveeigarlag vil i samråd med statsforvaltaren vurdere oppgangen av laks midt i fiskesesongen, for å evaluere om det går opp nok gytefisk.

Dersom det er låg oppgang, kan dette føre til at fiskesesongen blir korta ned eller andre tiltak innført. Miljødirektoratet kan òg innføre tiltak ved avvikande lågt innsig av laks.

§4 Kvotar og utsetting av fisk

Fiskekort og fiskaravgift

Fiskekortet er personleg og kan ikkje skrivast over til andre.
Alle over 18 år må ha betalt fiskaravgift for å fiske i Søya.
Alle som skal fiske i Søya må kjøpe Søyakortet.
Alle under 18 år fiskar gratis, men må kjøpe Søyakortet.

Kvotar

Kvotane er personlege og kan ikkje overførast til andre. Kvotane gjeld for heile vassdraget.
Døgnkvote følger datodøgnet, med start og slutt ved midnatt.
Når gjenutsettingskvote eller sesongkvote er nådd, skal fisket avsluttast.
Ved gjenutsettingsfiske: Om det er sett ut to fiskar av ein art same døgn skal fisket avsluttast, sjølv om det ikkje er tatt fisk av den andre arten.

Gjenutsettingskvote

Døgn: 1 laks og 1 sjøaure.

Sesong: 8 laksar og 6 sjøaurar.

Døgnkvote

Laks: 1 avliva laks per døgn.
Sjøaure: 1 avliva sjøaure per døgn.

Sesongkvote

Laks: 4 avliva laksar per sesong.
Sjøaure: 3 avliva sjøaurar per sesong.

Totalkvote for heile Søya

Når det er avliva 150 laksar og 100 sjøaurar i Søya blir elva stengt for fiske.

Gjenutsetting

All gjenutsetting av fisk skal skje forsiktig og etter retningslinjer godkjent av Mattilsynet (lakseelver.no).
All fisk som blir sett ut igjen skal rapporterast.
Skadd fisk, som det er tvil om vil overleva gjenutsetting, skal avlivast og inngår i kvoten.
All vinterstøing skal settast levande ut igjen og rapporterast. Den går ikkje på kvoten.
All oppdrettslaks og pukkellaks skal avlivast og dokumenterast eller visast til fiskeoppsynet. Husk å rapportere. Dette går ikkje på kvoten.

§5 Reiskapsbruk og fiskemetodar

Dette kan du fiske med:

Mark, også med dupp
Sluk (max. 35g)
Spinnar
Wobbler. I august kan wobbleren ha berre ein treblekrok.
Flue, også med dupp.

Alle andre fiskereiskapar er forbodne.

Slik kan du fiske

Ei handhalden stong fra land
Berre eitt agn på snøret.
Søkke kan berre brukast ved markfiske
Rykking av fisk er forbode

Alt som ikkje er nemnt her er forbode.

§6 Fangstrapportering

Fiskaren plikter å rapportere all fangst av laks, sjøaure, oppdrettslaks og pukkellaks til Søya Elveeigarlag via Elveguiden snarast, og seinast innen fem timar. Dette gjeld også gjenutsett fisk.

Fangstrapporten skal inneholde dato, sone, art, kjønn, vekt, fiskarens namn, reiskap, og om fisken er avliva eller sett ut igjen.

All vinterstøing av laks skal rapporterast som vinterstøing.
All oppdrettslaks skal registrerast som oppdrett.
All pukkellaks skal registrerast som pukkellaks.

§7 Desinfisering av fiskeutstyr

Alt utstyr som er brukt i andre vassdrag i inneverande sesong (også vadarar, håvar o.a.), skal desinfiserast før bruk i Søya. Dersom ein har fiska i andre vassdrag, skal attest på desinfisering visast ved kjøp av fiskekort og ved kontrollar av fiskeoppsyn.

Det er desinfiseringsstasjonar ved dei to nedste bruene i elva; Søyset bru og Søya bru.

§8 Unntaksreglar ved spesielle forhold

Dersom temperaturen i vatnet blir høgare enn 20 grader blir elva stengt for fiske. Fisket blir opna igjen når temperaturen er lågare enn 19 grader i 24 timar.

Det kan også bli stengt for fiske ved svært låg vasstand, og ved hendingar som kan ha stor påverknad på bestanden. Endringer av fiskereglane vil bli opplyst på Elveguiden.no.

 §9 Oppførsel i elva

Det skal praktiserast bevegeleg fiske. Start ovanfor fiskarar som er ved hølen.
Handter all fisk med tanke på at den eventuelt må gjenutsettast.
Vis hensyn til andre fiskarar.
Rapporter regelbrot til oppsynet eller Søya Elveeigarlag.
Forlat fiskeplassen slik du sjølv vil finne den.
All ferdsel er på eige ansvar

§10 Brot på fiskereglane

Brot på fiskereglane eller medverknad til dette kan medføre gebyr, bortvising og/eller utestenging.

Regelbrot som vil føre til reaksjonar i Søya:

Fiske utan gyldig fiskekort.
Brot på kvotereglane.
Manglande fangstrapportering.
Brot på reglane om fiskereiskap.
Manglande desinfisering.
Fiske i fredingssone.

Brot på reglane fører til ilegging av gebyr på 1500 eller 3000 kroner. I tillegg kan det bli reagert med utestenging frå elva i ein sesong eller resten av sesongen.

Ilagt gebyr må vera betalt før ein kan fiske igjen. Ved spesielle hendingar og grove regelbrot kan Søya Elveeigarlag ilegge strengare reaksjonar enn det som blir nemnt her.

Brot på offentlege fiskereglar blir meldt til politiet.

§11 Aksept frå fiskaren

Den som fiskar i Søya har akseptert regelverket og reaksjonane ved brot på dette. Likeins aksepterer fiskaren at brot på fiskereglar blir behandla av styret i Søya Elveeigarlag.

Ved ein eventuell tvist vil saka bli meldt inn for Møre og Romsdal tingrett.