FISKEREGLAR AUREELVA– 2023.

1. Aureelva er open for fiske i perioden 01.06. – 31.08.2023. Styret kan likevel endre fiskereglane undervegs i sesongen viss behov for dette melder seg, herunder opningstidene. Fiskaren er til ei kvar tid ansvarleg for å oppdatere seg om gjeldande regelverk.

2. Eit fiskekort gjeld i ein tidsperiode på 6 timar:

1. tidsperiode: kl. 05.00 - 11.00 2. tidsperiode: kl. 11.00 - 17.00

3. tidsperiode: kl. 17.00 - 23.00 Elva er freda i seks timar frå kl. 23.00 til 05.00.

3. Alle som fiskar skal ha fiskekortet tilgjengeleg på mobil eller papir. Ein må pårekne at kortkontroll også skjer i etterkant av fisket, opp mot selde kort. Det skal vere bevegeleg fiske med inntil 30 minutt på ein fiskeplass, deretter må fiskaren flytte seg.

4. Det er maksimalt tillate å fiske 2 pjakkar / laksar pr. tidsperiode. Regel nr 5. viser dagskvote.

5. Dagskvote: 2 fiskar. Årskvote 10 fiskar. All sjøaure skal setjast ut igjen. Sjøaure er totalfreda.

6. Heile elva er ei sone. Det vert selt maksimum 7 kort pr. tidsperiode + 2 ungdomskort. Frå Aure gamle bru og til sjøen, berre flugefiske. Frå Storhølen til Lysholosen (Andestadvatnet) kun flugefiske frå 15.08-31.08 Korta kostar kr 200.- uten depositum. Ungdomskort under 18 år, kr 50.-Skjellprøve skal leverast inn dersom fiskaren har fått fisk. Fiskarane finn dette i postkasser langs elva. Fiskekort blir berre selde på www.elveguiden.no alle fiskekort er personlege og kan ikkje delast eller overlatast til andre. Alle som fiskar i Aureelva må ha registrert seg på Elveguiden. Desinfeksjonskasser er plassert ved Sevrinhola og ved Storhallen, og skal brukast før fiske tek til, for fiskarar som har fiska i andre vassdrag. Det er forbod mot rykking, og all rykka fisk skal setjast ut igjen. Dei som rykkjer fisk med vilje, blir bortvist frå elva i 1 (eit) år.

7. Innehavarar av fiskerettskort/grunneigarkort kan ikkje leige, eller låne dette bort til andre enn den heilt nære slekt, som er: Rett opp og rett nedadstigende slekt inkl ektefelle/samboer, samt søsken til grunneigar/fiskerettshavar. Felleseige må utnemne ein person som skal disponere retten. Alle rettigheitshavarar, og alle andre som kan fiske på ein slik rett, skal ta ut sitt personlege kort på elveguiden.no og rapportere fangst fortløpande, Alle som fiskar på ein grunneigarrett må registrere seg på elveguiden.no Kvote på ein namngitt grunneigar/fiskerettshavar er som i punkt 5.i reglane, altså ingen personleg kvote på kvar person som fiskar på slik rett.

8. Det er forbode å fiske i Storhølen jmf i § 15 i Lakselova. Forbodssona er skilta med skilt frå Statens

Naturoppsyn. Brot på denne regelen (punkt 8) medfører bortvisning i frå elva i 1 (eit) år.

9. Kvar fiskar pliktar å løyse fiskeravgift til staten, og til ei kvar tid framlegge bevis for at den er betalt.

10. Den som brukar elva er forplikta til å ta hensyn til miljøet. Unødig ferdsel på dyrka mark,

skade på gjerde og opning av grinder må ikkje skje. Eventuelt avfall skal takast med, eller leggast på tilvist plass. Parkering skal kun skje på tilviste plassar (kart på Elveguiden), som er ved Aurdal grendahus, Sevrinhola, Sykkylven Stadion/Storhallen og busstopp på Lyshol.

Vi viser ellers til Lov om laksefisk og innlandsfisk m.v.

VEDTATT PÅ ÅRSMØTE I AUREELVA ELVEEIGARLAG som sak nr 14 den 28.02.2023

Aureelva (Sykkylven)