Gloppenelva - Fiskereglar for 2023

Alle som skal fiske i Gloppenelva har plikt til å setje seg inn i gjeldande fiskereglar.

§1 Registrering før fiske startar.

Alle som skal fiske i Gloppenelva skal ”kjøpe″ Gloppenkortet (gratis) før fiske starta og dette er eit registreringskort jf. lakseloven §25. Gloppenkortet kan kjøpast på www.elveguiden.no, etter last ned appen Elveguiden. I tillegg skal alle som skal fiske i Gloppenelva registrere seg på www.elveguiden.no, og dette er for å kunne rapportere fangst og fangstrapportering skal gjennomførast så raskt som råd.

§2 Statleg fiskeavgift

Alle som fiskar laks og sjøaure i Gloppenelva, skal ha betalt den statlege fiskaravgifta. Utleigar har plikt til å orientere leigetakarane / fiskarane om gjeldande regelverk i elva og kontrollere om fiskarane har betalt fiskeavgift.

§3 Desinfeksjon av fiskeutstyr.

Alt fiskeutstyr (vadarar, vadebukse, vadesko, sneller, båt etc.) som er brukt i andre vassdrag same sesong og som skal nyttast til fiske i Gloppenelva skal desinfiserast før ein startar fiske. Kvittering skal på forlangande visast fiskeoppsyn.

§4 Fisketider, gjeld for heile elva.

Laks: f.o.m. 01.06 – t.o.m. 15.08. Sjøaure: f.o.m. 15.06 – t.o.m. 31.08

§5 Fiskereiskap.

Lovleg fiskereiskap er fluge, sluk, spinner og wobbler. Ved bruk av fluge som agn, er det dupp eller flogesnøre som skal utgjere kastevekta. Ved bruk av sluk, spinner, wobbler kan det nyttast inntil 3 krokar (1 stk. trippelkrok vert rekna som 3 stk. krokar.)

§6 Døgnkvotar, årskvote, minste- og maksmål og gjenutsetjing.

Følgjande personlege døgnkvote gjeld for fiske i Gloppenelva: (kan ikkje overførast til andre)

1 laks over 3 kg pr. stang/ pr. person pr. døgn
1 sjøaure over 2,5 kg pr. stang/pr. person pr. døgn

All holaks over 65 cm er freda og skal settast levande ut igjen (C/R). Er fiskaren i tvil om fiskens kjønn SKAL fisken setjast levande ut i elva igjen (C/R). Er fiskaren i tvil om fisken vil overleve gjenutsetting skal fisken avlivast og innleverast til elveeigarlaget. Fisk som er innlevert går ikkje på kvote når innlevering er stadfesta. Dette gjelder også ved feilbedømming av kjønn. Fisk som er satt tilbake i elva (C/R) reknast ikkje med i døgn/årskvota. All laks og sjøaure under 35 cm skal setjast levande ut igjen.

Årskvote på avliva laks er 5 stk. og sjøaure er 2 stk. pr. person, uavhengig av vekt. Denne kvota er personleg og kan ikkje overførast til andre. Når årskvota er fylt opp, skal fiske avsluttast for sesongen. Fisk som er satt ut igjen (C/R) blir ikkje rekna med i årskvota.

Dersom døgnkvoten er nådd for t.d. laks, skal fiske etter laks avsluttast for det respektive fiskedøgnet. Fiskedøgnet går frå kl. 17:00 til kl. 17:00. Det er ingen døgnfreding.

Det skal takast skjellprøve av all fisk som blir avliva og tatt på land. Konvoluttar er å finne på utvalde plassar langs elva. Skjellprøvekonvoluttane skal også leverast inn på merka plassar.

Oppdrettslaks, regnbogeaure og pukkellaks skal avlivast og rapporterast på linje med anna fangst, men desse går ikkje på nokon kvote.

§7 Gjenutsetjing / catch & realese av laks.

Fisk som skal settast tilbake i elva (C/R) skal handsamast på ein skånsam måte i tråd med praksis vist i foldaren «Gjenutsetting av laksefiske, Fang og Slipp». Denne ligg www.norskeelver.no. Fisk som skal setjast tilbake skal ikkje takast ut av elva og eller løftast etter sporen, men holdast ute i vatnet, i sporen eller i håven, mens kroken blir løyst. Hold fisken under magen og i sporen i strøymande vatn, til du kjenner at fisken begynnar å livne til, før den blir slept. All holaks over 65 cm og som er skada og ikkje vil overleve etter gjenutsetting skal avlivast og innleverast til elveeigarlaget.

Alle fiskarar skal ha kroktang, samt innretning til å kontrollere lengda av fangsten med på fiske.

Fanga villaks utover kvotane SKAL leverast til elveeigarlaget for vidare levering til Gloppen omsorgssenter. Sjå www.elveguiden.no for kontaktinnformasjon. Kontakt: Kjell Petter Solhaug, mob. 995 17 295

Følgjande retningsliner gjeld:

Fisken skal bløggast (tappe av blodet) så raskt som mogeleg
Ikkje legg fisken på bakken og unngå direkte kontakt med jord/sand og direkte sol
All handsaming av fisken skal gå føre seg med god handhygiene
Fisken skal leggast i rein behaldar som er eigna for kontakt med næringsmiddel

§8 Sanksjonar ved brot på reglane

Brot på fiskereglane samt medverking til brot er straffbart jfr. Lov om laksefiske og innlandsfiske. Brot på reglane kan medføre utestenging ifrå elva resten av sesongen og ein kan verte meldt til politiet.

Personar som blir tatt for kvotebrot eller uakseptabel åtferd kan verte vist bort frå elva i inntil to år. Utestengde fiskarar er sjølv ansvarleg for å avstå frå fiske. Dersom dette ikkje vert følgt vil utestenginga utvidast. Ved manglande fangstrapportering og innlevering av skjellprøvar kan ein verte vist bort frå elva for resten av sesongen.

Ved ein eventuell tvist vil saka bli køyrd for Fjordane tingrett.

Fiskereglane er godkjent av Gloppenelva Forvaltningslag

Sandane 14.03.2023